ШҚО тұрғындары 50 градус аязды жарыса жариялап жатыр
Өткен түні елімізде биылғы қыстың ең төмен температурасы тіркелді. Әсіресе Шығыс Қазақстан облысында тұрғындар минус 50 градус аяз болғанын желіде жарыса жазуда.
Автор: Саят Дәулетжанұлы
20.02.2024
Алтай өңірінде 50 градус аяз тіркелген. Бұл желмен қосылып, минус 57-ге дейін сезілетіні де көрсетіліпті. Жалпы Шығыс Қазақстан облысында қатты суық болатыны бір апта бұрын айтылды. Синоптиктер қар мен қатты боранның арты аяз бен көтайғақ болатынын болжаған. Десе де «Қазгидромет» мамандары аяз 50 градусқа жеткен жоқ дейді. Ең төмен көрсеткіш - 47.3 ке дейін барған. Сақылдаған аяз алдағы екі үш күнде де сақталады.
Айжан Иманғаббасова, синоптик:
— Облысымыздың кейбір тұрғындары әлеуметтік желідерде минус 50 градус болғанын айтып жатыр. Одан да төмендеп кетті дегендер де бар. Мұны жоққа шығара алмаймыз. Бірақ тұрмыста қолданылатын термометрлер нақты градусты көрсете алмайды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
