Фрирайд: Шымбұлақта 16 елден келген спортшылар бағын сынады
Талайды тамаша табиғатымен тамсандырған Шымбұлақ тау-шаңғы кешенінде алғаш рет фрирайдтан жарыс өтті. Бес күнге жалғасқан додаға әлемнің 16 елінен 150-ден астам спортшы бақ сынады.
Автор: Ақтоты Жұмабек
26.02.2024
Фрирайд шарты бойынша спортшылар арнайы дайындалмаған жолмен жарысады. Бұл тау шаңғысы ішіндегі ең қиыны әрі күрделісі. Байқау төрт санат бойынша өтті. Спортшылар арнайы дайындалмаған жолмен жүре отырып, жолда әртүрлі трюк жасайды. Оның техникалық орындау шеберлігімен жерге сәтті қонуын алты төреші бағалап, тиісті бағасын шығарады. Ерлер арасында да, әйелдер арасында да жүлделі орындар Канада, Австрия және Ресейден келген фрирайдшылардың қанжығасында кетті. Жарысқа қатысушылардың дайындығына ұйымдастырушылар жоғары баға беріп отыр.
Асқар Уәлиев, Қазақстан шаңғы қауымдастығының бас хатшысы:
— Ауқымды жоспарлар бар, әрине, халықаралық федерация белгілеген жаңа дициплина.Федерацияның мақсаты — осы диципилинаны 2030 жылы өтетін олимпиада ойындарына қосу. Осыған сәйкес спортшыларды және төрешілерді халықаралық жарыстарға дайындап жатырмыз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
