Сарыкемерде атып кеткен жігіт ауруханаға жетпей көз жұмды
Жамбыл облысында ауыл тұрғыны оққа ұшып, ауруханаға жетпей көз жұмды. Байзақ ауданы Сарыкемер ауылының 34 жастағы тұрғынын белгісіз біреулер аңшы мылтығынан атып кеткен.
Автор: Сәбит Әлдебай
29.02.2024
Қанды қылмыс түнгі сағат 11 шамасында болған. Қазір күдіктілер іздестірілу үстінде. Әлеуметтік желілерде төрт адамның күдікті екені көрсетілген бағыттама парақшасы таралып жатыр. Олардың қылмыс әлеміне қатысы бар болуы мүмкін. Полиция департаменті іздеу жариялағанымен, күдіктілерге қатысты ресми мәлімет бермей отыр.
Алмас Саламатов, Жамбыл облысы ПД бастығының орынбасары:
— Аталған дерекке қатысты полиция қызметкерлерімен ҚР ҚК 99-бабы, яғни «адам өлтіру» қылмыстық ісі тіркелді. Қылмысқа қатысы бар адамдарды анықтау және ұстау іс-шаралары жүргізіліп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!