Елдімекендерді селден қорғауға тиіс жүздеген гидротехниканың тозығы жеткен. Соның өзінде төтенше жағдайлар министрлгі «жағдай бақылауда» деп сендіруде. Жер-жерде апаттың алдын алу мақсатында омбы-омбы қар жүк машиналарына тиеліп шығарылып жатыр. Арықтар мен каналдар қоқыстан тазаланып жатыр. Дегенмен толассыз жауған нөсердің кесірінен қазірдің өзінде оңтүстік жұртшылығының негізгі күре жолдары мен жер үйлері жаңбыр суының астында қалды. Ал «Қазгидромет» Абай, Ақмола, Алматы, Шығыс Қазақстан мен Қостанай облыстарында су тасу қаупі барын ескертіп отыр.

Жомарт Асқаров, ҚР ТЖМ Төтенше жағдайды жою департаменті бастығының міндетін атқарушы:

— Су ресуртары және ирригация министрлігінің жүргізген соңғы нәтижелері бойынша қолда бар 1502 тіреуіш гидротехникалық құрылғылардың 537-сін жөндеу қажет. 322 құрылыс апат болса, халыққа қауіп төндіреді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!