Мерекелік шарада қызға құда түсу, қыз ұзату және жаңа туған нәрестені бесікке бөлеу дәстүрін дәріптеу мақсатында ата-аналар мен ұстаздар сахналандырылған қойылым көрсетіп, ырым-жоралғылармен таныстырды. Жастарға байырғы салт-дәстүрдің бүгінгі күнмен байланысын түсіндіріп, әдет-ғұрыпты қадірлеуге шақырды. Дәстүрге сай наурыз көже мен ыстық бауырсақ таратылды. Оқушылар күмбірлетіп күй тартып, ұлттық өнерден шашу шашты. Медеу ауданындағы №172 мектеп-гимназиясының оқушылары сабаққа наурыз айы бойы ұлттық нақыштағы киіммен келеді. Мақсат — балаларды ұлтжанды болуға, салт-дәстүрімізді қастерлей білуге тәрбиелеу дейді ұстаздар. 

Бейбітгүл Сұлтанғазиева, № 172 мектеп-гимназия директорының тәрбие ісі жөнінен орынбасары:

— Бүгінгі өткізіп отырған іс-шарамыз бір тұтас тәрбие негізінде ұлттық құндылықты дәріптеу мақсатында іс-шара өткізіп отырмыз. Яғни біз біртұтас тәрбие жөнінде үштік одақты негізге ала отырып ата-ана,оқушы,мұғаліммен біріккен ата-салтымызды, салт-дәстүірімізді өсіп келе жатқан өскелең ұрпаққа ұғындыру мақсатында өткіздік.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!