Талапкер ауылы арқылы өтетін жасанды арық Есіл өзеніне құюға тиіс. Бірақ қар күрт еріп, топан су сай-салаға жайылған. Екпін су енді болмағанда тұрғын үйлерге кіре жаздады. Ағын судың қарқыны қатты болғандықтан, оның арнасын бұру да оңай болмапты. Арнайы техникамен құтқарушылар 26 тұрғын үйдің ауласын тазартқан. Әзірге жағдай қалыпты дейді төтенше жағдайлар қызметі. Талапкерді тасқыннан аман алып қалу үшін Астанадан да көмек келген.

Ерлан Молдаханов, Ақмола облысы ТЖД бастығының орынбасары:

— Арнайы канал лық толып, су арықтың үстінен жүріп кеткен. Енді кешіккенде ауылдағы үйлер суға толар еді. Бізге Астанадан қосымша көмек қосылып, азаматтық қорғаныс саласы да ат салысты. Көптің күшімен қауіптің алдын алдық.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!