Облыс орталығынан шалғай жатқан Есіл қаласына қызыл су лап қойған. Қала іргесін жанап өтетін өзен мұзы еріп арнасынан асып кеткен. Сай-салаға жайылған су әп-сәтте көпқабатты 18 үй мен бес баспананы басып қалған. Құтқарушылар тұрғындарды қауіпсіз жерге көшіріп жатыр. Әсіресе қарттар мен балаларға көмек керек болған. 32 адам құтқарылып, қауіпсіз жерге көшірілді. Оның 12-сі — бала.

Сырттан келген қауіпті сезіп азан-қазан болған малды да қорадан алып шығу оңай болмапты. Бәрін қайықпен тасымалдап, құрғақ жерге жеткізіп үлгерген.

Бауыржан Жолдасов, Есіл ауданы ТЖБ бастығы:

— Тасқынға қарсы күрес тәулік бойы жүріп жатыр. Өйткені Есіл өзенінің мұзы әлі толық еріген жоқ. Жергілікті атқарушы билікпен бірлесе жүріп, 3300 текше метр су шығарылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!