Қақпаған есігі қалмаған Гүлнұр Әбдекованың соңғы үміті «Дау-дамайсыз» бағдарламасында еді. Арбаға таңылса да, Шонжыдан Алматыға ат арылтып жетті. Қолында бар құжатымен танысқан соң, жауапты мекемелердің неліктен бұл жағдайда жауапсыздық танытқанын анықтау үшін зерттеу жасалды. Тиісті мамандар сұхбатын беріп, жағдайға қанықты. Осылайша жеті жыл бойы кемтар екенін дәлелдей алмай әлекке түскен апаның мәселесі шешілді. Ол енді мүмкіндігі шектеулі жан ретінде мемлекеттен жәрдемақы алады. Гүлнұр апа секілді өзге де кейіпкерлерді мазалаған түйінді шешуге жобаның төрт жүргізушісі дайын. 

Жаңа қалыппен түрленген бағдарлама енді дүйсенбі мен бейсенбі аралығында сағат 18:40-та көрерменге жол тартады. Ұзақтығы бұрынғыдай 20 емес, енді 45 минут.

Жазира Бегалы, «Дау-дамайсыз» бағдарламасының жүргізушісі:

— Көрермендер кадр сыртында отырғандықтан бұл бағдарлама көзді Ашып-жұмғанша, мәселе бағдарламада тез шешілетіндей көрінеді. Өкінішке қарай, мәселені тоғыз айдан кейін шешкен күндеріміз болды. Сенім әрдайым әр адамның өзінде болуы керек. Егер сіз кез келген өзіңізге қатысты проблеманы шешу үшін сол проблеманың төңірегіндегі заң жобаларын, кез келген бұйрық, ережелерді оқысаңыз, мәселе дау-дамайсыз шешіледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!