Ольга Лапшакова:

— Бізді қазір осы нысанға көшіріп әкелді. Мұнда 200-ден астам ит бар. Екінші орталықта 30-дан астам. Барлығына көмек керек.

Осылай деп жәрдем сұраған халықтың өтініші ескерусіз қалмады. Қазір ит-мысыққа арналған гуманитарлық көмек жинау басталды. Қою және сұйық тағам түрлері, ит тұмылдырығы, қарғыбаулар да қажет. Жапа шеккен жануарларға жаны ашыған адамдар күні-түні қолдан келген көмектерін әкеліп жатқан көрінеді.

Ольга Аринбасарова, гуманитарлық көмек қабылдау пунктінің үйлестірушісі:

— Көмек көрсету туралы шешім ойыма аяқасты келді. Қазір Петропавлда далада қалған жануарлардың саны күн сайын өсіп жатыр. Сондағы зоомамандар, еріктілер суда қалған ит-мысықтарды құтқарып, уақытша асырап атсалысып жатыр. Оларға гуманитарлық көмек керектігі жайында бірінші болып осы Ветеринария орталығының басшысына хабарластым. Бірден қолдады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!