Зообақта 90 түрлі жануардың 250 басы бар. Оны көшіруге арнайы орын дайындалған. Ең бірінші, тасбақа, тышқан сынды кішкентай тіршілік иелері көшіріледі. Тұяқты жануарлар да су деңгейі көтерілмей тұрып дайын орынға жайғастырылмақ.  Ал құстар мен  балық қаладағы зоодүкендерге уақытша жіберіледі дейді орталық мамандары.

Құтқару жұмысына бақтың барлық қызметкері жұмылдырылған. Олар жануарларды эвакуациялау қиынға соғып жатқанын айтады. Әсіресе аңдардың бәріне ыңғайлы орын табу оңай емес. Ал жыртқыш аңдарды алып  жүру өте қауіпті. Сондықтан кейбір аң зообақтағы қауіпсіз-ау деген жерге ауыстырылады.

Гүлжайна Нұралиева, Орал қаласы экология-биология орталығы  директорының орынбасары:

— Өкінішке қарай, бізде үлкен пума, аюларымыз бар. Үлкен төрт метр биіктік салғанымен де, бұл жануарларды қорғаймыз ба деп ойлап отырмыз. 2011 жылы да судан аман қалған. Сол сияқты жануарларымызды аман алып қалғымыз келіп отыр. Балаларға қызық сыйлап отырған, балалар танып-біліп отырған жануар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!