Бишімбаев ісі
Сараптама суретке қарап жасалған. Бишімбаевтың ісін қарап жатқан судья бүгін Салтанат Нүкенованың өліміне байланысты айыпталушының адвокаттары жасатқан мәскеулік сарапшылардың қорытындысын дәлел ретінде іске енгіздірмеді.
Автор: Мерей Қалиасқар
17.04.2024
Ал ол бойынша, Нүкенова үш-төрт апта бұрын алған жарақатынан қаза болған әрі басында соққы ізі байқалмайды деп қорытынды шығарылыпты. Ресейлік мамандар мұны мәйітті зерттемей, сот-медициналық сараптаманың сканерленген қорытындысына қарап жасаған дейді судья. Бұдан соң тараптар қылмыстық іс материалдарын зерттеуге көшті. Жәбірленушінің адвокаты VIP бөлмеде Нүкенованың саусақ іздері табылмағанын айтып, айыпталушыдан «мүсәтір спиртімен өшірдің бе?» деп сұраған. Бишімбаев оны мойындаған жоқ.
Сондай-ақ, сот барысында мейрамханадағы дәретхананың есігін бұзған құрал көрсетілді. Ал тағы бір айыпталушы — Бақытжан Байжановтың телефонынан Бишімбаевтың суицидке оқталар алдында жазған өсиет видеосы табылды.
— Бүкіл бар затымды, банк аккаунттарымды, шоттарымды балаларыма сыйлаймын. Назымға сыйлаймын. Балаларымды асырасыншы. Мансұр, Кәрім, Ранияға сыйлаймын.
Қуандық Бишімбаев, айыпталушы:
— Иә, бұл сәт енді есіме түсті. Олар мені тоқтатып, байлап, пышақты алып кеткен кез болу керек. Мен жерде отыр едім, Сол кезде Бақытжанға айтып едім, «маған бірдеңе бола қалса, мұны жазып, әке-шешеме және Назымға берерсің» деп. Жалпы бірдеңе болса, балаларыма қарасын деген ой мұнда.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
