Аймақ атқамінерлері онлайн  оқыту әлі де жалғасатынын айтады. Өйткені  тасқыннан кейін электр желілері құлап, ауыз суды Есілден емес, Пёстрое көлінен алуға тура келген. Алайда ол су санитарлық талаптарға сай емес.  Соңғы аптада бұл  судан 139 мәрте сынама алған мамандар соның 11-інде су таза шықпағанын мәлімдеді. Айтуларынша, суда хлордың мөлшері тым артық. Қазір тағы қосымша 45 сынама алынып зертханаға жіберілген. Соның қорытындысына сай балалардың қайда оқитыны белгілі болмақ. Қазір бұған дейін эвакуациялық пункт ретінде қызмет еткен спортзалдар босатылып жатыр. Ал,тасқыннан зардап шеккен тұрғындар жақын маңдағы жатақханаға орналастырылуда.

Татьяна Протопопова, СҚО білім басқармасы басшысының міндетін атқарушы:

— Оқушылар ішуге болмайтын суды қанша айтсақ та , ішіп қоюы мүмкін. Өйткені су субұрқақтан да, краннан да ағып тұр. Бала болғаннан кейін ескертуді елемей, ішіп қоюы ғажап емес. Сондықтан ауыз су мәселесі шешілгенге дейін,  біз мектептерді ашуға дайын емеспіз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!