Сәкен Майғазиев, Қазақстанның еңбек сіңірген қайраткері:

— Халықтар достығы күні, бірлік күні баршаңызға құтты, баянды болсын дегім келеді. Жалпы бірлік болған жерде, тірлік болады. Қазақ «саусақ ілікпей, ине бірікпейді» дейді. Береке қайда барасың дегенде, ынтымақты елге барам дейді. Сол ынтымақ болған жерде, достық болған жерде бәрі де болады. Бірлігімізден Алла Тағала ажыратпасын. Елде тек тыныш заман болсын. Бейбіт елде баянды ғұмыр кешейік. Мереке құтты болсын!

Бибігүл Төлегенова, Қазақстанның халық әртісі:

— Құрметті азаматтар, Қазақстанның бірлігі күнімен құттықтай отырып, баршаыңызға зор денсаулық, тыныштық тілеймін. Аспанымыз ашық болсын. Іштегі жау, сырттағы жаудан сақтасын. Еліміз аман болсын, мәңгілік елімізде өзіміз бейбітті,қуанышты, бақытты өмір сүрейік. Мереке құтты болсын!

Фируза Шәріпова, бокстан әлем чемпионы:

— Барша отандастарымды Қазақстан халқының бірлігі күнімен құттықтаймын. Қазір біз қиын-қыстау кезеңді бастан кешіріп жатырмыз. Дегенмен бұл су тасқыны халқымыздың сағын сындырған жоқ. Мықты екенін тағы да дәлелдеді. Күшіміздің бірлікте екенін көрсетті. Сондықтан да мен сіздерге шыдамдылық, денсаулық және амандық тілеймін. Мереке құтты болсын!

Бізді Youtubе-та қараңыз! Бізді Facebook-та, Instagram-да, Telegram-да оқыңыз!