Тасқын: Сегіз мың үй қалпына келтірілген
Тасқын басталғалы 8 мың үйден су сорылып, іші-сырты лайдан тазартылған. Төтенше жағдайлар министрлігі күн-түн демей, баспаналарды қалпына келтірумен айналысып жатырмыз деп есеп берді.
Автор: Айжан Шамшидин
03.05.2024
Жалпы алғанда 14 мың құтқарушы апат болған жерлерде жергілікті халыққа көмектесіп жатыр. Бас-аяғы 1200 ден астам техника мен 4 тікұшақ жұмылдырылған. Жауапты ведомство тасқын судың зардабын тартқандарға әуе, теміржол және автокөлік арқылы 7 мың тонна гуманитарлық көмек жөнелтілгенін мәлімдеді. Ал 48 мың отандасымыз бүгінде үйлеріне оралып, күнделікті тұрмыс-тіршілігінің қамына кірісуде.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
