Мақаншы ауданының тұрғындары жаз басталмай жатып әуре- сарсаңға түсті. Зиянкестер жайылым жерді түк қалтырмай отап тастаған. Жұрт жапырақ қоңыз тұқымдасына жататын зиянкестің қайдан ауып келгенін түсіне алмай дал. Айтуынша, қоңыздан қалған шөпті жеген төрт-түлік те уланып жатқан көрінеді. Алайда атқамінерелер «мал шығыны жоқ» дейді. Есесіне, туристер көп келетін Алакөлдің жағасын да қоңыз басып кеткенін жоққа шығармады. Қазір мамандар даланы улауға кірісіпті. Олар апта соңына дейін 35 гектар алқапты залалсыздандырмақ.

Шолпан Ахметова, Үржар ауданы дезинфекциялау мекемесінің маманы:

— Ылғалды дезинфекция жасадық. 25 минуттан кейін нәтижесін көрдік, бәрі қырылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!