Республикалық бюджеттің игерілуі жөніндегі үкіметтің былтырғы есебінде Дәурен Темірбеков тиімсіз пайдаланылған қаражаттың 87 млрд теңгесі квазимемлекеттік сектор субъектілерінің шоттарындағы қалдық екенін атап өтті. Ал пайдаланылмаған нысаналы трансферттер мен бюджеттік кредиттер жалпы игерілмеген қаражат 143 млрд теңгені құрады. Қалған 258 млрд теңге мемлекеттік аудит және бақылау қорытындылары бойынша анықталған бюджет жүйесі қағидаттарының бұзылуынан екен. Қыруар қаржының тиімсіз жұмсалуына байланысты 80 қызметкер ескерту алса, 72-сіне сөгіс жарияланыпты.

Дәурен Темірбеков, ҚР қаржы вице-министрі:

— Бюджет қаражатын тиімді және толық игеру үшін әкімшілердің жауапкершілігін арттыру үшін шаралар қабылданды. 2023 жылдың қорытындысы бойынша орталық және жергілікті атқарушы органдардың бірқатар қызметкері тәртіптік жауапкершілікке тартылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!