Мамандардың мәліметінше жеті ауданда шегірткенің азиялық және италиялық түріне жататын мыңдаған дернәсілі табылған. Екеуі де өте қауіпті. Ашқарақ зиянкестер жолындағысын жайпап кетеді екен. Олардың жұмыртқалары 10 мың гектарға жайылған. Әсіресе егінді саналатын Әйтеке би ауданыдағы жағдай алаңдатады. Онда зиянкестердің 300 мың гектар жерге жайылу қаупі бар.  Шенеуніктердің айтуынша, қазір облыста егіс алқаптарын зиянкестерден қорғау жұмысы басталған. Оған 100-ден аса арнайы техника жұмылдырылды. Арасында жеңіл авиация да бар. Улайтын химиялық дәрі-дәрмек жеткілікті дейді олар. Болжам бойынша шегіртке жаз ортасында ұша бастайды.

Арыстанбек Жәкібаев, Ақтөбе облысы аумақ инспекциясының өсімдіктерді қорғау бөлімінің маманы:

— Шегіртке қаптауы мүмкін. Әріресе қанаттанған соң. Шілде айының ортасы, нан тамыз айының басы деп болжап отырмыз. Жеті ауданда залалсыздандыру жүргізіліп жатыр. Алты аудан бақылауда.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!