Энергетика министрлігі: АЭС игілігін көреміз деген тұрғын саны артып барады
Әу баста АЭС салынады деп жоспарланған Үлкен ауылынан өзге аймақ тұрғындары да нысан құрылысынан үмітті. Құрылысты әзірге қай елдің компаниясы бастайтыны белгісіз болса да, атом электр станциясының игілігін көремін деп дәмеленгендер күн сайын артып барады дейді энергетика министрлігі.
Автор: Айжан Шамшидин
28.05.2024
Бүгінде Үкімет мүшелері бірқатар ауыл-аймақ тұрғындарымен кездесіп пікір алмасқан. Әзірге атом электр станциясын салуға қатысты республикалық референдумның қашан өтетіні де белгісіз. Тек құрылысты бастауға ресми рұқсат етілген елдер тізімін Алмасадам Сәтқалиев ресми жария етті. Олар Корея, Ресей, Қытай мен Франция. Сондай-ақ, АЭС-ке қатысты АҚШ және Жапониямен де ортақ жобаларымыз бар екен.
Алмасадам Сәтқалиев, ҚР Энергетика министрі:
— Бүгінде құрылысты бастауға келетін мемлекеттер тізімі жарияланды. Ол: Корея, Ресей, Қытай мен Франция. АҚШ-ты да бұл тізімнен сызып тастамаймыз. Бұл мемлекет кіші модульді реакторлардың құрылысына ат салысады деп күтілуде. Жапон өндірушілерімен де байланыс бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
