Тексеріс нәтижесі кенжелеп қалған спорт түрлеріне қаражаттың дұрыс бөлінбегенін де көрсетіп отыр. Сондай-ақ, 55 спорт кешені жекенің қолына заңсыз өтіп кеткен. Былық бұнымен бітпейді. 2020 жылы спортты цифрландырамыз деп бөлінген ақша да орта жолда қолды болған. Миллиардтаған ақша жыл сайын спортшылары еш нәтиже көрсетпейтін федерациялардың еншісіне берілген.

ҚР Сыбайлас жемқорлыққа қарсы іс-қимыл агенттігі:

— 2018 жылдан бастап спорт саласының бюджеті екі есеге өсіп, 1,4 трлн теңгені құрады. Алдағы үш жылға тағы 1,3 трлн теңге бөлу жоспарланған. Елеулі қаржыландыруға қарамастан, Қазақстан олимпиадалық медальдық есептерде және Дүниежүзілік спорт рейтингінде төмен көрсеткіште, күдікті матч саны бойынша жемқорлыққа ұшыраған елдердің бірі болып отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!