Роман Скляр: Ақылы жолдан түскен ақша тек барын жөндеуге ғана жетеді
Ақылы жолдан түскен ақша жаңа жол салуға емес, барын жөндеуге ғана жетеді. Премьер-министрдің бірінші орынбасары Роман Склярдың айтуынша, елдегі жолдың ұзындығы сонша, күрделі жөндеу мен реконструкциясын айтпағанда, оларды күтіп ұстаудың өзі қиын.
Автор: Мерей Қалиасқар
04.06.2024
Роман Скляр, ҚР премьер-министрінің бірінші орынбасары:
— Автомобиль жолдарының жалпы желісі – 95 мың шақырым. Оны күтіп ұстау өте қиын әрі ауыр. Біз жолдарда ақы төлеу жүйесін белсенді түрде енгізіп жатырмыз. Бұл қаражат бізде тек ақылы учаскелерде жүргізілетін автомобиль жолдарының қазіргі күтіміне, қысқы-жазғы және ағымдағы жөндеуге яғни тек ой-шұңқырды бітеу»жұмыстарына ғана жетеді.
Склярдың айтуынша, ақылы жолдар тек бірнеше жылдан кейін өзін-өзі ақтайды. Сонда ғана оны толық күтіп ұстауға қаражат жеткілікті болады деп күтілуде. Ал қазақстандықтардың республикалық маңызы бар жолдардың сапасыз салынуына қатысты шағымдарына вице-премьердің өз жауабы бар. Скляр қазіргі автомобиль жолдары әлемдік талапқа сай, Еуропа мен АҚШ-тағы жоба бойынша салынып жатқанын астын сызып айтты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
