Өткен сенбі алматылықтар үшін естен кетпестей болды. Түс ауа халық сүйікті өнер жұлдыздарымен жүздесуге асықты. Әсіресе жастардың аталмыш фестивальді көптен күткені анық. Келе салысымен интерактивті байқауларға қатысып, жүлделі болуға ұмтылып жатты. Кейін ашық аспан астындағы концерт басталды.

OYU Fest деп аталатын ерекше музыкалық фестиваль Kaspi.kz-тің қолдауымен өтіп жатыр. Қазақстандық үздік орындаушылардың өнерін тамашалауға 10 мыңнан аса адам келген. Алматылықтар мен қала қонақтарының қуанышында шек жоқ. Ерекше концертті суретке түсіріп, музыканың ырғағына ілескендері би билеуде.

Отандық музыканы қолдау мен жастардың патриоттық сезімін арттыруға бағытталған музыкалық шара осымен үшінші рет өтіп отыр. Ән сүйер қауым арасында еңбектеген баладан, еңкейген қарияларға дейін бар. Барлығы ұйымдастырушыларға алғыстарын жаудырып, эмоциясымен бөлісті.

Зияда Болат:

— Концерт өте күшті, ұйымдастырушыларға көп рақмет. Kaspi.kz үлкен алғыс айтамын, осындай күшті кеш ұйымдастырғандарыңыз үшін. Екі жыл бойы армандап келгенмін, биыл бірінші рет келдім.

Нұрлан Смағұлов:

— Негізінен Қазақстанда осындай фестиваль өткізгеніне өте қуаныштымын. Өте күшті, керемет жұмыс істеген.

OYU Fest музыка фестивалі елімізге танымал жас әншілердің басын біріктірді. Олардың қатарында Shiza, Айқын, Мархаба Сәби, Нұрлан мен Мұрат сынды орындаушылар мен «Ирина Кайратовна» тобы бар.

Аружан Беркінбаева:

— Алдыңғы жылдан жоғарғы дәрежеде өтіп жатыр деп ойлаймын. Осы концертке мен өзім Мархаба Сәби, Dequine-ді тыңдауға келдім. Қатты ұнады. Барлық ұйымдастырушыларға рақметімді айтамын.

Кеште өнер көрсеткен жұлдыздардың өзі ұйымдастырушыларға алғыс айтуда. Барлығы биылғы шара ерекше форматта, ұмтылмас естеліктер сыйлады, дейді.

Аяу, әнші:

— Жаз келді. Соның қарсаңында көптеген фесттар болып жатыр. Менің ойымша, ол өте-өте қызық және де халыққа рухани дамуға көмектеседі деп ойлаймын. Сондықтан міндетті түрде фестивальға келіңіздер.

Фестивальде қонақтар алтыбақан, асық сынды дәстүрлі ойындарға қатысып, түрлі жүлдеге ие болды. Алматы мен астаналық танымал мейрамханалардың даярлаған асын ішіп, естен кетпес әсер алды.

Айта кетейік, айтулы шара Kaspi.kz қолдау білдірген алғашқы жоба емес. Компания бұған дейін де отандық мәдениет пен спортқа қатысты ауқымды жобаларға қолдау көрсетіп келеді. Ал OYU Fest енді Астана қаласында 27-шілдеде өткізілмек.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!