Шыңғысхан Қамидолла, үлескер:

— Маған шарт бойынша 2023 жылдың 30 қыркүйегінде кілті мен құжатын беру керек болды. 30 қыркүйекте 50-60 пайызын төлеп тастадым. Қалған пайызын «Отбасы банк» немесе қолма-қол төлеуге келістік. Қыркүйекте құрылыс бітпеді. Енді қалған ақшамды алып кетейін десем, «бірден бермейміз, бір жылға ай сайын бөлеміз» дейді.

Құрылыстың сағызша созылынуынан күдіктенген үлескерлер қаржысын қайтарып алғысы келеді. Бірақ JM capital түрлі себеппен ақша бергісі келмей отыр дейі. Ал құрылыс компаниясы уақыттың ұзап кетуіне тұрғын үй кешенінің сыртқы жобасына өзгерістер енгізгенін айтып ақталды. Оған қоса үлескерлер де толық қаражатын төлемеді, бәрін келісімшарттағы заңдылыққа сай істеп жатырмыз деп сендірді. Ал салған үлесін кері алғысы келгендерге қаржыны қайтаратынын, бірақ бөліп беретінін айтады.

Гүлбану Пірімбетова, JM capital компаниясының қаржы маманы:

— Тұрғын үйдің 60 пайызы аяқталды. Құрылыс жыл соңында толық бітсе, құжат реттеумен, келер жылдың ақпанына дейін созылуы мүмкін. Қаржысын толық салмаған үлескерлер де бар. Құрылыс заңға сай жүргізіліп жатыр. Қаржысын кері алатындар болса, қайтарамыз. Арыз жазуы керек. Бірақ кесте жасақтап береміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!