Екі адамның жанжалдасып, кейін күдіктінің пышақ сілтеген сәті бейнебақылау камерасына түсіп қалған. Қаскөй жәбірленушінің арқасы мен кеуде тұсына суық қару жұмсапты. Ауыр жарақат алған ер адам қансырап жерге құлағанында, күдікті оны бауыздап тастайды. Бірақ қаныпезер қылмыс орнынан ізін суытуға асықпаған. Пышағын қолында ұстаған күйі полицейлер келгенше осы маңда отырыпты. Қатыгездікпен жасалған қылмысқа көршілері де куә болған. Алайда ешқайсысы араша түспеді. Қазір қасқана адам өлтірген күдікті қамауға алынып, қылмыстың жай-жапсары тергеліп жатыр.

Жарас Ибраев, Павлодар ПБ бөлім бастығының орынбасары:

— Күдікті ұсталып, Павлодар қаласы ПБ уақытша ұстау изоляторына қамалды. Кісі өлтіру фактісі бойынша тергеу жүргізіліп жатыр. Қылмыстың мән-жайы мен себептері тергеу барысында анықталады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!