Кітапты оқыған әрбір адам өз-өзіне есеп беруді дағдыға айналдырады дейді автор. Яғни өмірді қалай сүріп, уақытты қалай өткіздім, жақындарыммен қарым-қатынасым қандай деген сынды сұрақтардың жауабын табуға мүмкіндік алады. Психология саласында 20 жылға жуық тәжірибесі бар Айсұлу Ахимова туындының ер адамдарға да, әйел затына да пайдасы барын айтады. Нумеролог бұрын-соңды айтылмаған сырлары мен оқиғаларын кітапқа түсірген. Автор көп ұзамай шығармасын ағылшын тілінде де жарыққа шығаруды жоспарлап отыр.

Айсұлу Ахимова, нумеролог, психолог:

— Бұл кітапты жазу идеясы негізі пандемия кезінде келді. Кейін нумерология мен психологияда жинаған тәжірибеме сүйеніп, клиенттеріммен болған оқиғаларыма тоқталайын деп шештім. Көбін саралап, басқаларға сабақ болады-ау дегенін осы туындыға сыйғыдым. Кітап жазу идеясы ойымда ұзақ жүргенімен, негізі тоғыз айда жазып бітірдім.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!