Көрші елде болған табиғи апат төрт баланың өмірін қиды. Ажал құшқан екі ұл мен екі қыз — екі отбасының баласы. Бірақ бір-біріне жақын туыстар екен. Жасөспірімдер апат болған күні анасыымен Қырғызстанда тұратын жақындарына қыдырып барған. Бүгін олардың жансыз денесі арнайы бортпен Өскеменге жеткізілді.

Балалардың үлкені — он бір, ал кішісі сегіз жаста. Сел көшкіні жүрген сәтте олар туыстарымен туристік аймақта жүрген. Сол мезетте, төртеуін тасқын су ағызып кеткен. Екі баланың мәйті араға екі күн салып әрең табылды.

Талғат Мұхаметқалиев, марқұмдардың ағасы:

— Қайғылы жағдай. Естіген кезде сенбедік. Басында он кісі дегенде, барлығы бір отбасының балалары екені, содан кейін ертеңінде белгілі болды. Мемлекетіміз мәйіттерін ұшақ ұйымдастырып, бүгін жерлеу рәсімін өткізді.

Қазір қара жамылған отбасыға көмек көрсету үшін жедел штаб құрылды. Ал жасөспірімдерді ақтық сапарға шығарып салу рәсімін Шығыс Қазақстан облысының әкімдігі мойнына алған.

Ермек Мұқатай, Халифа Алтай мешітінің бас имамы:

— Бүлдіршіндерімізді соңғы сапарына шығарып салдық. Оңай емес. Кім баласын өлімге қиды? Ешкімде қимайды. Бәріміз ұл-қыз өсіріп отырғанан кейін, өнсе екен, өссе екен дейміз. Отбасыларына, ата-аналарына Алладан сабыр, күш-қуат тілейміз.

Марқұмдардың ата-анасына жан-жақты көмек көрсетілетін болады. Қазір өңірдің кәсіпорындары мен бизнес өкілдері де қол ұшын созуға қамданып жатыр. Ал елге жеткізілген балалардың денесі бірден жер қойнына тапсырылды. Қаралы жиынға жиналған жұрттың қарасы қалың болды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!