Офицер штабта топографиялық қызметтің бастығы болған екен. Отан қорғайтын азамат құмар ойынның құрбаны болған. Букмекерлік кеңседе спортқа бәс тігіп біраз ақша ұтылыпты. Сондықтан қарызын жабу үшін топографиялық құрылғыларды ломбардқа өткізіп жіберген. Осылайша, офицер мемлекетке 2 миллион теңгеден астам залал келтірілген. Әскери бөлімнің мүлкін жеке пайдасына жаратқаны үшін ол екі жарым жылға сотталды. Сондай-ақ, судья оны капитан әскери шенінен айыруға шешім шығарды. Енді, лудоман офицер материалдық шығынды толық өтеу тиіс. Дегенмен үкім әлі заңды күшіне енген жоқ.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!