Әкімдік тасымалдаушыларға бөлінетін субсидияны азайту арқылы артылған ақшаны басқа мақсатта жұмсауын жөн санайды. Осы бастаманы көтерген шенеуніктердің есебінше, жолақы көтерудің арқасында бюджет қаржысы 7 миллиард теңгеге үнемделеді. Ол ақша азаматтардың жеңілдетілген санаттарына, яғни студенттер, зейнеткерлер мен мүгедектерге арналған тарифке бағытталады. Сондай-ақ жол жүру құнын қымбаттатып, қаланы қоғамдық көліктермен толықтыруды көздеген. Тасымалдаушылар алдағы уақытта 800-ге тарта автобусты сатып алуды жоспарлапты. Соның есебінен биыл 70 шақты елдімекенге қатынайтын 20 бағыт қосылады дейді әкімдіктегілер.

Құны қымбаттауымен қатар, оны төлеудің жаңа жүйесі де енгізілмек. Қолма-қол есептесу тәсілі алынып тасталады. Сонымен қатар жолаушыларға бір аялдамадан түсіп қалып, өзге автобусқа күшін жоймаған билетпен отыруына мүмкіндік беріледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!