Бұл қитұрқы әрекетті Жамбыл ауданының пошта қызметкерлері 2021-2023 жыл аралығында жүзеге асырған. Олар бірнеше жыл бойы жергілікті көші-қон қызметіне жалған түбіртек беріп, мемлекетке шығын келтірген. Қазір аса ірі мөлшерде жымқыруфактісі бойынша сотқа дейінгі тергеп-тексеру басталып кетті. Істің мән-жайын Қаржы мониторингі агенттігі мен облыстық прокуратура қызметкерлері анықтап жатыр.

Әлібек Әбділов, ҚР ҚМА ресми өкілі:

— Көші-қон қызметіне баж сомасы жайлы көпе-көрнеу жалған ақпарат енгізілген түбіртекті ұсынып, мемлекетке 84 миллион теңгеден аса шығын келтірген. Тергеп-тексеру жалғасып жатыр. Өзге ақпарат Қылмыстық процесстік кодекстің 201-бабына сәйкес жариялауға жатпайды. Қаржылық мониторинг агенттігі экономикалық құқық бұзушылықтар үшін заңмен жауапкершілік көзделгенін ескертеді. Сондай-ақ, агенттік экономикалық құқық бұзушылықтар жайлы АФМ Insaider телеграмм боты арқылы хабарлау мүмкіндігі барын еске салады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!