Семей инфрақұрлымы тозған шаһарлар қатарында. Тіпті 70 мыңнан астам абонентті жылумен қамтып отырған ең үлкен жылу қазандығының өзі қауіпті аймақта тұр. Сондықтан жергілікті атқамінерлерге бірінші жылу-энерго орталығын жаңғыртуды қарқынды жүргізбесе, жұрт қыста қиналып қалуы мүмкін екенін ескертті. Ал шаһардың энергетикалық инфрақұрлымын жаңғыртуға шамамен 11 млрд теңге бөлінген екен.

Үкімет басшысы Абай облысына іс-сапарында алапат өрт жалмаған қарағайлы орманды да әуеден барлап көрді . Өртенген 66 мың гектарға жуық алқапта жанған ағаштыы тазарту әлі жүргізіліп жатыр. Ал Олжас Бектенов орманшыларға бас пайдасы үшін қылқан жапырақтарды заңсыз отайтындармен күресті күшейтуді жүктеді.

Олжас Бектенов, ҚР премьер- министрі:

 — Сіздер менен жақсы білесіздер, ағашты заңсыз отайтын қылмыстық топтарды. Олармен күресті күшейтіңіздер. Орманды алқап біздің табиғат берген мақтанышымыз. Орман қорын күтіп, қарап, оны ұлғайтуымыз қажет. Сондықтан қатаң қадағалаңыздар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!