Сәуле Есембаева:

— Еріксіз такси ұстаймыз. Таксидің өзі базарға дейін 700-1000 теңге алады. Егер көлік жақсы жүрсе, 80 теңгеге жетуші едік. Біз сияқты зейнеткерлерге өте қиын. Көліктің жүргені өте нашар. Әкімдік, автопарк осы мәселені мықтап қолға алса, риза болушы едік.

Қазір шаһарда қоғамдық көлік санының аздығынан такси құны аспандап кеткен. Ара қашықтығы екі-үш аялдаманың өзіне жүргізушілер мың теңгесіз қозғалмайтын көрінеді. Өйткені күнделікті бағытқа шығатын автобустар бірен-саран. Ал мамандар қалада күнделікті 325 автобус жолаушы тасымалымен айналысатынын айтады. Олардың қызмет сапасын жақсарту үшін биыл 5 млрд теңге субсидия бөлінген екен. Дегенмен қоғамдық көлікте жүргізушілердің жетіспеушілігі қолбайлау болып тұр, дейді.

Аман Жоламанов, Семей жолаушылар көлігі және автомобиль жолдары бөлімінің бас маманы:

— Мұндай мәселелер бар — қоғамдық көліктің бағытқа аз шығуы немесе мүлдем болмауы. Оның бәрі автобус жүргізушілерінің жетіспеуінен туындап отыр. Қазір, мысалы, жүз жүргізуші жетіспейді. Тапшылықтың орнын толтыруды қарастырып жатырмыз. Алдағы уақытта шешімін табамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!