Су тасқынынан шығынға батқан 455 шағын және орта кәсіп иелері мемлекеттен көмек сұраған. Солардың ішінде 374 бизнеске өтемақы берілетін болды. Оларға төленетін жалпы сома 5 миллиард 800 миллион теңге. Әзірге төлем 200-ден аса өтініш бойынша жасалған. Қалған кәсіп иелері қаражатқа тамыздың соңына дейін қол жеткізбек. Көктемгі топан судан, әсіресе, Батыс Қазақстан облысының кәсіпкерлері қатты зардап шегіпті. Оларға тасқыннан 2 жарым миллиард теңге шығын келген.

Атыраулық кәсіпкерлердің шығын мөлшері 2 миллиард 100 миллион теңге. Төтенше жағдайдан сауда орындарына көбірек зақым келген. Яғни 70 пайызы — дүкен, сауда үйлері мен базарлар. Тасқыннан орасан шығынға батқан кәсіп қатарында қоғамдық тамақтану орындары, қонақүйлер мен демалыс орындары да бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!