Мұрат Нұртілеу, ҚР Сыртқы істер министрі:

 – Жұмысымыздың маңызды бағыттарының бірі – Қазақстан азаматтары үшін Еуроодақтың виза режимін жеңілдету екенін бұған дейін де естіп жүрсіздер. Доктор Боррелльмен осы түйінді шаруаның оң шешімін жуық арада табу мақсатында күш-жігер жұмылдыруға уағдаластық.

Еуроодақ өкілі әлемдегі геосаяси жағдай мен ондағы біздің елдің рөліне де тоқталды. «Қазақстан — Еуропа мен Азияны байланыстырып тұрған көпір» - дейді Боррель. Ал еліміздің Сыртқы істер министрі Еуроодақтың Қазақстан үшін маңызын атап өтті. Еуроодақ — Қазақстан үшін ең ірі сауда және инвестициялық серіктес. Екіжақты сауда айналымы қазір 20 миллиард долларға жеткен.

Министр ел Үкіметінің еуропалық компаниялар мен іскерлік топтардың Қазақстанға келуін құптайтынын жеткізді. Жозеп Боррель президент Қасым-Жомарт Тоқаевтың да қабылдауында болып, екіжақты ынтымақтастықты дамыту перспективаларын да талқылады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!