Мұратхан Тоқмәди 7 жыл бұрын қамауға алынған. Сол жылы ол бопсалау, заңсыз қару-жарақ сақтау, сату, тасымалдау —  ауыр баптар бойынша айыпталып, бірақ тергеуге көмектескені үшін үш жылға сотталды. Кейін түрмеде жатып 13 жыл бұрын жасаған қанды қылмысын мойындады. «Тұран әлем банкінің» басшысы Ержан Тәтішевті қасақана өлтіргені туралы біздің арнаға айтып берген болатын. Сол кезде қылмысты қашқын олигарх Мұхтар Әбіләзовтың тапсырысымен істегенін мәлімдеген-ді. Сол үшін Әбіләзовтан 4 миллион доллар алған. Осылайша, 2018 жылдың наурыз айында оған тағы үкім кесіліп, Тоқмәди он жарым жылын түрмеде өткізуге тиіс болған. Сол мерзімнің жартысынан астамын өтеп, енді бостандыққа шыққалы отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!