Хадиша Сұлтанова, саудагер:

— Асханадан өрт шыққан. Кіретін жер жоқ, кіре алмай жатыр. Шығарып жатыр әлі ішінен. Полиция да, өрт сөндірушілер де кіре алмайды, анау жерде тұр.

Күндіз 11 жарым шамасында асханада басталған өрт жапсарлас тұрған тұрмыстық техника сататын дүңгіршектерге өткен. Бірінен соң бірі тез тұтанып жатқан бутиктердегі отты сөндіруге 140 адам мен 50-ге жуық арнайы техника жұмылдырылды. Будақтаған түтіннен шошыған базардағы басқа саудагерлер тауарларын сыртқа тасып әбігерге түсті. Базар сыртындағы жол бір сәтте киім-кешек пен азық түлік салынған қапшықтарға толды. Бір сағат ішінде 500 шаршы метр аумақ күлге айналған. Өрттің тұтануына электр сымдарының қысқа тұйықталуы немесе адамның отпен ойнауы себеп болуы мүмкін дейді мамандар.  Келтірілген шығын есептелініп жатыр.

Еркін Отарғалымұлы, Шымкент ТЖД бастығының орынбасары:

— Өрттің өршуі мен үлкен аумаққа таралуының бірден-бір себебі — қатты жел. Сонымен қатар жапсарлас салынған құрылыс және ішіндегі киім-кешектер. Бір сағатқа жуық уақытта өрт толық оқшауланып, жойылды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!