Еліміздің үздік 10 жамбы атушысы іріктеуде байрақты додаға тікелей жолдама беретін үш орынды сарапқа салды. Әр өңірден келген мергендер «Мажар», «Азия», «Түркі», «Жамбы» стилі бойынша бақ сынаған.

Жалпы есептің қорытындысы бойынша түркістандық Айтбек Сарыбай мен Ералхан Айкөз және алматылық Абзал Тұлыбеков іріктеуден іркілмей өтіп жолдамаға қол жеткізді. Ал Батыр Бексауыт Қытайда өткен әлем чемпионатында топ жарып, көшпенділер ойындарына тікелей жолдама алған. Қазір спортшылар Алатау бөктерінде оқу-жаттығу жиынында шеберліктерін шыңдап жүр.

Айтбек Сарыбай, Жамбы атудан ұлттық құрама мүшесі, әлем чемпионы:

— Көшпенділер ойынындағы басты мақсатымыз сол. Ұлттық спорт олимпиадасы деуге келеді. Барымызды салып, әлем чемпионатынан да қиын боп тұрған сияқты, бүкіл елдің назары осында. Қазақ елінің жамбы атудағы шыңын қою — ол өте жоғары. Енді соған жетсек деген арман бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!