Оқиға Ембі қаласында болды. Бұл кентте бес кәріз сорғысы бекеті бар. Соның бірін жөндеуге барған жұмысшы сыртқа шықпай қалған. Артынан марқұмның 58 жастағы әріптесі кіреді. Бірақ екеуі де иіске уланып, тіл тартпай кеткен. Кейін кәріз бекетіндегі есінен танғандарға жәрдем бермекші болған 46 және 53 жастағы жұмысшылар да ауруханаға жеткізілді. Олардың жағдайы қазір тұрақты дейді дәрігерлер.

Алтынбек Манабаев, «Ембі жылу» КМК бас инженері:

— Кәріз жүйесіне жөндеу жүргізіп жатқан 1966 жылғы екі азамат қаза болды. Қазір сот-медициналық сараптама тағайындалып, оқиғаның мән-жайы анықталуда. Мекеме тарапынан қаза болған жұмысшылардың отбасына материалдық-моральдық көмек көрсетілетін хабарлай отырып, отбасына қайғырып көңіл айтамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!