Сенбі күні Бестамақ ауылының маңында жол апатынан үш адам қаза тапқан еді. «ВАЗ» көлігі мен «Газель» бетпе бет соқтығысқан. Жеңіл көлік жүргізушісі мен алдыңғы орындықта отырған 65 жастағы жолаушы оқиға орнында мерт болды. Ал 15 жастағы жасөспірім жедел жәрдем көлігінде көз жұмды.

Ақтөбе облысындағы жолдарда апат жиілеп адам өлімі көбейген соң тәртіп сақшыларын трассаларға көптеп кезекшілікке шығара бастаған. Бірақ одан да пайда болмай отыр. Соңғы жол көлік апатынан аман қалған екі бала Алға ауданы ауруханасында емделіп жатыр. Ал ауыр жараланған 36 жастағы жолаушыны ота жасау үшін облыс орталығына жеткізетін болды.

Жадыра Қабиболлаева, Ақтөбе облысы денсаулық сақтау басқармасының өкілі:

— Алға ауданы ауруханасында екі бала жатыр. 16 жастағы және 6 жасар бала. Жағдайы қалыпты. Есін біледі. 36 жастағы науқас жансақтау бөлімінен ортақ палатаға ауыстырылды. Қазір көпсалалы облыстық ауруханасына ауыстырылуға дайындап жатыр. Жағына, бетіне, басына ота жасалады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!