Солтүстік Қазақстан облысында жыл басынан бері көкжөтел жұқтырудың 62 жағдайы тіркелген. Ал өткен жылы екі-ақ адам ауырыпты. Кеселге шалдыққандардың көбі облыс орталығында. Бірақ көкжөтел Қызылжар, Тайынша, Айыртау, Мамлют, Есіл, Ғабиден Мүсірепов және Шал ақын аудандарында тіркелді. Ауру жұқтырғандардың 94 пайызы 14 жасқа дейінгі балалар. Дәрігерлердің айтуынша олардың ешқайсысы да кеселге қарсы екпе алмаған. Мамандар бұл ауруға қарсы бірден-бір қалқан тек екпе екенін айтады. Өйткені кеселді бірден жоятын дәрі ойлап табылған жоқ. Көкжөтел — жұқпалы дерт. Оның белгілері: тоқтаусыз жөтел мен құсу.

Арман Күшбасов, СҚО Санитарлық-эпидемиологиялық бақылау департаменті басшысының орынбасары:

— Көкжөтелді қоздыратын талшықтар ауа арқылы тарайды. Түшкіру, жөтел немесе әңгімелесіп тұрғанда жұғуы ықтимал. Ол асқынғанда пневмония, өкпенің асқынуы мен құлақтың ісуы және мидың зақымдуына әкеледі. Салдары өте ауыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!