Шымкент: Жол апатынан бір адам мерт болып, жеті жолаушы зардап шекті
Шымкентте ірі жол апатынан бір адам көз жұмып, жеті жолаушы зардап шекті. Түрлі жарақат алған науқастың бәрі Өзбекстан азаматтары.
Автор: Бек Әбиев
03.09.2024
Түнде Шымкенттің шетіндегі айналма жолда «Опель» жүргізушісі қарсы бетке шығып кетіп, өз жолымен келе жатқан «Тойота Альфардқа» соғылған. Ауыр соққыдан жеңіл көліктің қозғалтқышы жұлынып кетіпті. Ал жүргізушісі оқиға орнында тіл тартпай кеткен. Қызылордадан келе жатқан «Альфардтың» ішіндегі жеті жолаушы түрлі жарақатпен ауруханаға жеткізілді. Үйіне қайтып бара жатқан Өзбекстан азаматтарының жағдайы қазір тәуір дейді дәрігерлер. Аталмыш оқиға бойынша қылмыстық іс қозғалып, тергеу жүргізіліп жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
