Жобада жан сырын ақтаратын кейіпкерлер қатарында мүмкіндігі шектеулі жандар, тұрмыстағы зорлық-зомбылық құрбаны, тіпті өнер жұлдыздарына дейін бар. Бағдарламаның алғашқы саны 8 қыркүйекте шығады. Онда бір аяғынан айырылған жасөспірімнің оқиғасы көрсетілмек. Кейіпкер мүмкіндігі шектеулі болғанына қарамастан, ерік-жігерінің арқасында паражүзуден Қазақстанның екі дүркін чемпионы атанған.

Жексенбі сағат 21:00-де КТК арнасы қосулы болсын. Жобаны төрт автор жасайды; Гүлмира Әбіқай, Жазира Бегалы, Аруна Ортай, Асқарбек Қазанғап.

Асқарбек Қазанғап, «Иірім» бағдарламасының продюсері:

 – Әркімнің өз тағдыры, басынан кешкен оқиғасы, жіберген қателігі, өкініші, қуанышы бар. Бағдарламаға, шынында, өмірінде небір жағдайды бастан кешіріп, сын сағатта сүрінбей, аяғынан тік тұрып алға жылжыған, мотивациясы, түйген-пікірі бар кейіпкерлердің хикаясы «Иірім» деректі фильміне арқау болады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!