Мамандар бірауыздан елдің энергия секторын дамыту үшін АЭС салу орынды дейді. Себебі: отандық станциялардың көбінде құрал-жабдық тозған, басым бөлігі 30 жылдан бері қолданыста. Бұл электр станцияларының апат көрсеткіштеріне және тұрақтылығына әсер етеді. Алысқа көз жүгіртпей-ақ, қазірдің өзінде шекаралас мемлекеттердің энергия жеткізушілеріне тәуелділігі байқалып отыр. Ал ол мемлекетіміздің энергетикалық қауіпсіздігіне теріс әсерін тигізбей қоймайды деп санайды сарапшылар.

Алдияр Тоқтаров, Атом өнеркәсібін дамыту қауымдастығының төрағасы:

— Бізде бұған дейін бірнеше жағдай тіркелді. Шетел инвесторы қызығушылық танытып, кәсіп ашамын деп елімізге келеді. Алайда жұмыс жағдайымен танысып-біліскеннен кейін, жобаларын әрі қарай дамытуға мүмкіндік жоқ екенін сезіп, бас тартады. Ауқымды жобаларды жүзеге асыруға үлкен көлемде электр қуаты қажет.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!