Оңайлатылған кеден дәлізі, ең алдымен, қаржы шығынын азайтады. Кедендік тексеру, рәсімдеу уақытын қысқартып, қағазбастылық азаяды. Түркі мемлекеттері ұйымына мүше елдер арасында өтетін тауарлар мен көлік құралдары туралы мәлімет электронды түрде алмасады. Қазақстан — осындай кедендік рәсімді оңайлату туралы заң қабылдап отырған бесінші мемлекет. Әзірбайжан, Қырғызстан, Өзбекстан және Түркиямен енді арадағы алыс-беріс жолы жеңілдегелі отыр. Бұл еліміздің әлеуметтік экономикалық дамуына жақсы әсерін тигізеді әрі түркі әлемінің ынтымақтастығы бұрын-соңды болмаған дәрежеде нығаяды деген үміт бар.

Бекбол Орынбасаров:

— Күтілетін нәтиже келісім ратификацияланғаннан кейін түркі мемлекеттері елдері арасында сауда экономикалық қатынасты жақсартады. Қазір түркі мемлекеттерімен Қазақстан арасындағы сауда айналымы 111-ден аса миллиард доллар. Осы Заңды бәріміз мақұлдадық.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!