«Бурабай» Мемлекеттік ұлттық табиғи паркі аумағында үрлемелі қайықтармен көлде заңсыз балық аулаған браконьерлердің өздері торға түсті. Оларды рейд жүргізген Ұлттық парк қызметкерлері мен полицейлер ұстаған. Заңды белшесінен басқан үш адамнан үрлемелі қос қайықпен бірге барлық құрал-жабдықтары да тәркіленді.

Әлия Біләлова, Ақмола облысы ПД жетекші маманы:

— Таңғы сағат төрт шамасында аудандық полиция бөлімінің қызметкерлері «Бурабай» Мемлекеттік ұлттық табиғи паркі қызметкерлерімен бірге рейдте заңсыз балық аулау фактісін анықтап, үш адамды ұстады. Құрал-жабдықтары тәркіленді. Балықты заңсыз аулау бабымен сотқа дейінгі тергеп-тексеру басталды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!