«Әкемді тонадым». «Иірім» бағдарламасында — лудоман жігіттің хикаясы
«Әкемді тонадым...». «Иірім» бағдарламасында — алты жыл құмар ойынның құлы болған жігіттің хикаясы. Букмекер кеңселердің небір қитұрқы құпиясын ашатын шытырман оқиғаға толы деректі фильм КТК арнасынан жексенбіде, 22 қыркүйекте көрсетіледі.
Автор: Аруна Ортай
20.09.2024
Бекзат Байсафаров жиырма жасында құмар ойынның құрығына түскен. Өзгелер тұрмақ, өз ата-анасын тонауға дейін барған жігіттің алты жылда нақты қанша адамнан алдап ақша алғаны есінде жоқ. Өз-өзіне екі мәрте қол салуға оқталған жігіт деректі фильмде, тіпті, туыстарына белгісіз жайттармен бөліседі. Бұрын өзі барып ойнаған букмекер кеңселерді көрсетіп, құмар ойынның қоғамға төндіріп тұрған қауіп-қатерлері жайлы сөз етеді.
Фильмде ойынқұмарлықтан емделген және әлі де болса емделіп жатқан қыз-жігіттерді де көруге болады. Ендеше осы жексенбіде сағат 21-00-де КТК арнасынан «Иірім» деректі фильмдер топтамасының кезекті шығарылымын өткізіп алмаңыз.
— Бекзат Байсафаров, не деп жаздыңыз?
— Қандай қателік жасағанымды, қаншалықты жаман бала болғанымды. Әке-шешемді аямай жүргенімді, кешірім сұрап. Күйім, кәдімгі өз-өзіме қол жұмсап, бірақ.. негізі хат жайлы ұмытып кеттім, жалпы қазір есіме түсіп жатыр...
Бізді Youtubе-та қараңыз! Бізді Facebook-та, Instagram-да, Telegram-да оқыңыз!