Өрт: Қостанай автобус паркінде бес автобус жанып кетті
Қостанай автобус паркінен өрт шығып, бес автобус жанып кетті. Өрт сөндірушілер тұрақтағы 27 қоғамдық көлікті тілсіз жаудан аман алып қалды.
Автор: Сәбит Әлдебай
24.09.2024
Түнде тұтанған өрт 220 шаршы метр аумақты шарпыған. Автобус тұрағын түгел басқан қою түтінге қарамастан, өрт сөндірушілер қызыл жалынның бетін қайтарды — құтқарушылар қоғамдық көліктердің басым бөлігін өрттен аман алып қалды. Бірақ бес автобус жанып кеткен. Абырой болғанда ешкім зардап шеккен жоқ.
Өміржан Тұқышев, Қостанай облысы ТЖД бастығының орынбасары:
— 16 техника, 55 адам жұмылдырылды. Қазір өрт орнында анықтаушылар мен өрт-сынақ зертханасы жұмыс істеп жатыр. Шығыны мен өрт себебі анықталып жатыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!