Күдікті әлеуметтік желіге «бүйрегімді сатамын» деген хабарлама таратқан. Ерекше жарнаманы прокуратура өкілдері байқаған. Желі қолданушының әзілі, не ойыны екенін анықтау үшін сатып алушы ретінде сөйлеседі. 35 жастағы тұрғын 9 миллион қолма-қол ақшаға бүйрегін кесіп беруге әзір екенін айтады. Осылайша ол ұсталып, қазір тергеліп жатыр. Ағзасын сатуға не түрткі болғанын әзір ешкім ашып айтпады.

Әнуар Абдулбақытов, Ақтөбе облысы прокуратурасының басқарма прокуроры:

— Жедел іздестіру іс-шарасы аясында ұйымдасқан қылмысқа қарсы күрес басқармасы қызметкерлері өз ағзасын ларын 9 млн теңгеге заңсыз мәміле жасау арқылы сатпақшы болған Е. есімді азаматты ұстады. ҚР ҚК 116-бабының 1-бөлігімен сотқа дейінгі тергеп-тексеру басталып, тергеу жүргізіліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!