Оқыс оқиға осыдан екі апта бұрын тапа-тал түсте болған. Қаладағы мейрамханалардың біріне қарыз алғандармен сөйлесуге барған спортшы әңгіменің ушыққанын біліп, аулаға шыққан. Көлігіне енді міне бергенде, бір топ ер азамат дзюдошыны қоршап алып, жүрегінің тұсына пышақ сұққан. Дәл осы сәтте оқиға орнында Дамирдің енесі де болған.

Сәуле Сабырханова, Дамир Исхановтың енесі:

— Ұрыс шамамен 5-10 минутқа созылды. Олар боқауыз сөздер айтып, «өлтіремін» деп, бірнеше рет қорқытқан. Мен жүгіріп келгенде, Дамир қанға боялған күйде субұрқаққа құлап кетіпті. Біз осы күнге дейін тергеушінің жұмыс істеп жатқанын көрмедік. Алғашында «күдіктілер ұсталды» деп айтты. Ал келесі күні бәрі тып-тыныш. Мұны тек жеңіл жарақат деп, істі жауып тастаған көрінеді. 

Дзюдошының жағдайы қазір бір қалыпты. Ота жасатып, күтініп жүр. Ал 300 мың АҚШ долларын спортшыдан қарызға алып, кейін оған пышақ сұққан күдікті ұсталыпты. Полицейлер тергеу жүргізіп жатыр.

Салтанат Әзірбек, Алматы ПД ресми өкілі:

— Алмалы ауданының полиция басқармасы қылмыстық іс қозғады. Күдікті ұсталып, полицияға жеткізілді. Сотқа дейінгі тергеу жан-жақты, толық және обьективті қағидатына сәйкес жүзеге асырылуда. Тергеу Алматы полиция департаменті басшылығының бақылауында.

Екі жылға созылған даудf қарызға алушылар спортшыға үй сыйлап құтылмақшы болған. Алайда оны да босатып бермеді дейді спортшының енесі. Енді «не үйсіз, не ақшасыз қалдым» деген Дамир істің соңына дейін барғалы отыр. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!