Референдум: Әскери бөлім қызметкерлері мен сарбаздары таңдауын жасады
Референдумға әскерилер де белсене қатысуда. Маңғыстау облысындағы әскери бөлім қызметкерлері мен сарбаздары түгел таңдау жасады.
Автор: Бек Әбиев
06.10.2024
Темірдей тәртіпке бағынған жауынгерлер бір мезетте келіп дауыс берді. Теңіз жаяу әскерлері, Әуе шабуылына қарсы қорғаныс бригадасы мен авиация базасының жалпы саны мың жарымға жуық жауынгері түске дейін таңдау жасап үлгерді. Сондай-ақ Әскери теңіз күштерінің 400-ден астам сарбазы да дауыс беруге қатысып, бірден Отан алдындағы борышын өтеуге кірісіп кетті.
Арман Амангелдиев, сарбаз;
— Тарихи маңызды референдумда дауыс беру — әскери қызметшілер үшін үлкен мәртебе. Қазақстанда АЭС салудың өз артықшылығы, өз ерекшелігі бар. АЭС қазіргі таңда Еуропаның «мен» деген дамыған елдерінде салынып жатыр. Сондықтан да дамыған елдердің қатарынан көріну үшін біздің елімізде де бұл жаңашылдықты орнату керек деп ойлаймын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!