Атырау облысында қамыс өртеніп жатыр
Атырау облысында қамыс өртеніп жатыр. Құрманғазы ауданындағы ондаған гектар аумақты жалын шарпыған. От ошақтары Каспий теңізіне жақын сулы-батпақты, жолсыз жерде болғандықтан, өрт сөндірушілер мен техника жете алмай жатыр.
Автор: Жанат Молдашова
08.10.2024
Төтеншеліктер өртті өшіру үшін тікұшақпен су шашып жатыр. Әзірге өрт жарты гектар аумақта сөндірілген. Тілсіз жаудың елді мекендерге таралу қаупі жоқ, дегенмен күні-түні кезекшілік қойылды. Қазір мамандар жол талғамайтын көлікпен өрт болған жерге барып, сөндіруге барын салып жатыр.
Айсұлу Келдіғалиева, Атырау облысы ТЖД баспасөз хатшысы:
— Жану ошақтарын сөндіру мақсатында"Қазавиақұтқару" АҚ МИ-8 тікұшағы сағат бестен бастап 30 тоннадай су шашты.
Сонымен қатар 24 қызметкер ТРЭКОЛ автокөлімен оқиға орнына жетті. Мотопомпадан су берілді. Өрт сөндіру құралдары толық іске қосылған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!