Референдум қорытындысы: Дауыс бергендердің 71,12 пайызы АЭС салуды қолдады
Референдумның ресми қорытындысы жарияланды. Орталық референдум комиссиясының есептеуінше, дауыс берушілердің 71,12 пайызы АЭС құрылысын қолдаған.
Автор: Нұргүл Нұрланқызы
08.10.2024
Дауыс беруге құқығы бар 12 миллионнан астам адамның 63,66 пайызы референдумға қатысқан. Яғни 7 820 204 отандасымыз өз таңдауын жасады. Дауыс беруге қатысқан азаматтардың шамамен 5 жарым миллионы елімізде атом электр станциясын салу мәселесін қолдады.
Ал қарсы дауыс бергендердің саны – 2 045 271.
Сондай-ақ 130 267 бюллетень жарамсыз деп танылған. 83 мыңға жуық бюллетеньде жауаптардың екі нұсқасы да таңдалыпты. Сондықтан олар есепке алынбаған.
Осылайша референдумда қойылған мәселе бойынша шешім қабылданды деп есептеледі.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!